陸 鈞
各有訴求．．．．
聖誕新年，街上萬頭攢動，或為慶祝佳節，或則另有訴求。
突然百感交集，得歌詞數首以記：
(一) 子夜彌撒迎聖誕有感
堂區子夜彌撒，口唱感恩、歡笑之歌，耳聞耶穌降生故事，有感於父母愛子情深，為子者應珍惜相處時刻，感恩回報。填詞二首以示孫兒。
原歌：聖誕歌---新生王 (Hark! The Herald Angels Sing)
Hark! The herald angels sing,
"Glory to the newborn King;
Peace on earth, and mercy mild,
God and sinners reconciled"．．．．
傻到到自掃咪咪呢，梳梳梳化咪呢咪。
傻到到自掃咪咪呢，梳呢呢到自拿傻．．．．
新詞(1)：我愛爸媽
成世記住好爸媽呀，爸媽給我這個家。
由細到大靠爸媽呀，飲奶奶到有大牙。
爸媽多年教導我哦，爸媽辛勞養育我哦。
感激爸媽照料我，長夜呀不眠理我被窩。
珍惜爸媽愛護我，願常伴跟前有我一個！
。。。。。
由細到大有爸媽呀，飲奶奶到無大牙。
不休不眠養育我哦，爸媽多年教導我哦。
只想仔女無做錯，常在我身旁怕我心多。
爸媽今天我已大個，你地毋用再辛勞要好好過！
新詞(2)：元旦假日
元旦假日上街玩呀，家家歡笑穿靚裝。
元旦要大吃一餐呀，工展擠逼夠曬狼忙！
花墟多人市道旺，金舖商場更重旺。
拖起轆 口急 滿地放，全部 口既 金器掃清光！
卡拉OK唱又跳，齊共慶新年再唱幾趟！
。。。。。
元旦假日上街玩呀，家家歡笑穿靚裝。
元旦要大吃一餐呀，餐廳擠逼夠曬狼忙！
燈火通明市道旺，商家開眉認真爽。
卡拉OK唱又跳，齊共慶新年玩天光。
彼此開心要盡慶，和諧與包容我最嚮往！
(二) 香江示威之都，時節假日，每見多人上街，各有訴求。既有真知卓見、獨立思考，或有人云亦云。填詞一首誌之曰：『今日歌』
原歌：生日歌
祝你壽辰快樂 祝你壽辰歡暢
Happy birthday to you, Happy birthday to you,
Happy birthday to you, Happy birthday to you!
新詞：今日歌
人人立場企硬，人人立場不變，
人人出街個心掛住：爭取『乜野』、『乜野』。
人人立場企硬，人人立場不變，
人人高舉個牌寫住：高官『乜野』、『乜野』。
人人立場企硬，人人立場不變，
人人出街個心掛住：取消『乜野』、『乜野』。
人人立場企硬，人人立場不變，
人人都講，．．．睇怕我都要跟住：打倒『乜野』、『乜野』！！！